裸辭

誠如前文提及，由於要搞個IPO，產假期間仲keep住複email，生完後即刻做野，仲好記得個女得幾個月就出trip，然後keep 住個個月都出差 >.<

有次同媽媽傾計，話覺得個女都好好湊丫，突然間就識爬識企，突然間就出左幾隻牙仔，又無咩喊又無咩扭計。冷不防媽媽講左句，話其實我太忙，忙到工人姐姐要帶個女去office 俾我抱下，根本無咩點湊，成日掛住做野，出牙仔時扭計成日喊、厭奶唔肯食野、鐘意食咩蔬菜蓉我全部唔知（下刪一萬字）。。

突然意識到時間唔等人，而小朋友的成長只有一次，因此默默做埋手頭上的野就辭職。